Hotline Khabar | News Website यस वर्षको तिहारमा खुल्छ रानीपोखरी – Hotline Khabar
Shivangi

यस वर्षको तिहारमा खुल्छ रानीपोखरी

  • रासस
  • २४ आश्विन, २०७७ मा प्रकाशित

पुनःनिर्माण सम्पन्न भएपछि यस वर्षको तिहारमा सर्वसाधारणका लागि ऐतिहासिक रानीपोखरी खुला हुने भएको छ । यही असोज पहिलो साता निर्माण सम्पन्न भएको रानीपोखरीको दशैँअघि नै राष्ट्रप्रमुखबाट उद्घाटन गर्ने तयारी रहेको राष्ट्रिय पुनःनिर्माण प्राधिकरणले बताएको छ ।

गोर्खा भूकम्पका कारण पूर्णरूपमा भत्किएको रानीपोखरीमा अहिले सरसफाइ र बत्ती राख्ने काम भइरहेको राष्ट्रिय पुनःनिर्माण प्राधिकरणका सम्पदाविज्ञ राजुमान मानन्धरले बताए । भूकम्पपछि  पाँच वर्षसम्म हरेक वर्ष तिहारमा सर्वसाधारणले बालगोपालेश्वर मूर्तिलाई पोखरीमा रहेको पुलको मुखमा राखी दर्शन गर्ने गरेका थिए ।

पोखरीको बीच भागमा रहेको बालगोपालेश्वर मन्दिरमा यही असोज १५ गते बिहान ८ बजेको साइतमा  मुख्य एक र अन्य चार गरी पाँच स्थानमा गजुर राखिसकिएको छ । मुख्य गजुर १२३ किलोग्राम तौलको तामाले बनेको हो । गजुरको बाहिरी भागमा भने सुन लेपन गरिएको छ ।

सो ऐतिहासिक सम्पदा निर्माणका लागि शुरुमा काठमाडौँ महानगरपालिकाले पुनःनिर्माण गर्ने भने पनि कहिले पुरातत्व विभागसँग त कहिले कामपामा नै आन्तरिक कुरा नमिल्दा तीन वर्षसम्म  पुनःनिर्माणको काम अघि बढ्न सकेको थिएन । अन्ततः पुनःनिर्माणको काम प्राधिकरणलाई जिम्मा दिइएको थियो ।

भूकम्प गएकै वर्ष माघ २ गते राष्ट्रिय भूकम्प दिवसका अवसरमा राष्ट्रपति विद्यादेवी भण्डारीले भूकम्पले क्षति पु¥याएको सम्पदा पुनःनिर्माणको शुरुआत रानीपोखरीबाटै गर्नुभएको थियो । प्रताप मल्लका छोरा चक्रवर्तेन्द्रको निधनपछि रानीको चित्त बुझाउन विसं १७२७ मा रानीपोखरीको निर्माण गराइएको शिलालेखमा उल्लेख छ । पोखरीको बीचमा त्यसैबेला बालगोपालेश्वर मन्दिर स्थापना गरिएको हो ।

प्रताप मल्लले आफ्ना छोरा चक्रवर्तेन्द्रका नाममा यो पोखरी बनाएका हुन् । पोखरीको निर्माण  करिब पाँच वर्षभित्र अर्थात् नेसं ७८९ ९ विसं १७२५० मा सम्पन्न भएको थियो । नेसं ७९० ९ विसं १७२७/इसं  १६७०० मा शिलापत्र राखिएको थियो ।

पोखरीमा १०८ तीर्थको जल हालिएको इतिहासकार बताउँछन् । प्रताप मल्लले निर्माण गर्दा पोखरीको चारैतिर चार मन्दिर स्थापना गर्न लगाएको पाइन्छ । उत्तरपश्चिम कुनामा शक्तिसहितको भैरवको मन्दिर, उत्तरपूर्व कुनामा भैरवको मन्दिर, दक्षिणपूर्व कुनामा देवीको मन्दिर र दक्षिणपश्चिममा सोह्रहाते गणेश स्थापना गरेको देखिन्छ ।

फेसबुकबाट तपाईको प्रतिक्रिया
आम हड्तालको आह्वान गर्दै नेकपाका अध्यक्ष प्रचण्ड नेता कार्यकर्ता संगै सडकमा
2 months ago

आम हड्तालको आह्वान गर्दै नेकपाका अध्यक्ष प्रचण्ड नेता कार्यकर्ता संगै सडकमा

माघ, २२ प्रधानमन्त्री के.पी शर्मा ओलीको असंवैधानिक कदमका विरुद्ध घोषित आम हड्ताल सफल बनाउन आम हड्तालको आह्वान गर्दै नेकपाका अध्यक्ष…

निरङ्कुश शैलीमा उत्रियो सरकार युवा नेता रमेश मल्ल, तिलक राज भण्डारी गिरफ्तार
2 months ago

निरङ्कुश शैलीमा उत्रियो सरकार युवा नेता रमेश मल्ल, तिलक राज भण्डारी गिरफ्तार

माघ, २२ प्रधानमन्त्री के.पी शर्मा ओलीको असंवैधानिक कदमका विरुद्ध आमहड्तालमा उत्रेको नेपाल कम्युनिष्ट पाटी (नेकपा) का नेता तथा कार्यकर्ताहरुलाई प्रहरीले…

नेकपा स्थायी कमिटी बैठक माधव कुमार नेपालको अध्यक्षतामा बस्दै
3 months ago

नेकपा स्थायी कमिटी बैठक माधव कुमार नेपालको अध्यक्षतामा बस्दै

पुस, २० नेकपा प्रचण्ड–माधव नेपाल समूहको स्थायी कमिटी बैठक माधव कुमार नेपालको अध्यक्षतामा पेरिसडाँडामा सुरु भएको छ । बैठक आईतबार…

Below News 2