अनेरास्ववियूकाे एकता प्रक्रिया भर्खरमात्र जिल्ला तहमा पुगेकाे छ । जिल्ला, स्थानीय तह र क्याम्पस इकाइ स्तरका एकता प्रक्रिया सम्पन्न गर्न केही दिन पहिले मात्र केन्द्रीय समितिकाे तर्फबाट कार्यविधी बनाइ परिपत्र गरिएकाे छ ।

जिल्ला स्तरमा एकता टुङ्ग्याउँदा कुनै विवाद र असहमति भए केन्द्रीय समितिमा पुनरावेदन गर्न मातहतका कमिटीहरु लाई संयाेजक ऐन महरले निर्देशन दिएका छन् । केन्द्रीय समितिमा आएका निवेदन उपर निश्पक्ष निर्णय हुने उल्लेख गर्दै समानान्तर किमिटी निर्माण जस्ता संगठनकाे विधान विपरित गतिविधि नगर्न संयाेजक महरले मातहतका कमिटीहरुलाइ कडा निर्देशन दिएका छन् ।

जिल्ला तहमा एकता प्रक्रिया टुङ्ग्याउँदा गुटगत तरिकाले एउटा समुहलाइ अर्काे समुहले पेल्न थालेपछि र असन्तुष्ट पक्षहरुले सामान्तर गतिविधी गर्न थालेपछि संयाेजकले यस्ताे निर्देशन गरेका हुन । संयाेजक ऐन महरले सामाजिक सञ्जाल फेसबुक स्ट्याटस मार्फत मातहतका कमिटी तथा नेता, कार्यकर्ता हरुलाइ यस्ताे निर्देशन दिएका हुन ।