जीप दुर्घटना हुँदा २ को मृत्यु, सात घाइते

हटलाईन खबर
४ माघ, २०७७ मा प्रकाशित

माघ ४, शनिबार साँझ पोखरा–२५ हेमजाबाट पोखराबजारतर्फ आउँदै गरेको बा २ च ७४१० नम्बरको जीप राजमार्गको याम्दीमा सडकबाट अन्दाजी २५ मिटर तल खसी दुर्घटनामा हुँदा दुई जनाको मृत्यु सात जना घाइते भएका छन् ।
दुर्घटनामा परी पोखरा महानगरपालिका–१० बस्ने ५० वर्षीय प्रकाश पुन र ५२ वर्षीय चित्र पुनको उपचारका क्रममा राति मृत्यु भएको जिल्ला प्रहरी कार्यालय कास्कीका निमित्त प्रवक्ता एवं प्रहरी निरीक्षक दीपक केसीले जानकारी दिए ।
जीपमा नौ जना सवार रहेकामा घाइतेको हाल सहारा अस्पतालमा उपचार भइरहेको प्रहरी निरीक्षक केसीले बताए ।